Pressemelding -
Bokhandelens forfattarstipend til Arne Henning Årskaug
Arne Henning Årskaug mottar bokhandelens forfattarstipend 2023 på 60 000 kr. Stipenda delast ut av Bokhandlarforeninga i samarbeid med Den Norske Forfattarforening.
Arne Henning Årskaug er utdanna bibliotekar og har studert skrivekunst. Han debuterte med prosasamlingen Utstyrstekster i 2015, og i 2022 kom oppfølgjaren Skap & Sørg, som av juryen blir beskrive som “punk-prosa i bygdetapning”.
“Dette er ellevill, utemmet prosa som ikke ligner på så mye annet i norsk litteratur. Nettopp dette tydelige og personlige avtrykket er det som gjør Arne Henning Årskaug til en stemme å følge med på fremover,” skriv juryen i grunngjevinga.
– Denne tildelinga var grueleg kjekk, eg skal ikkje lyge og påstå noko anna. Å skrive bøker er eit svimlande og fornuftstridig strev, og eg vert difor frykteleg glad når krotet mitt gjer inntrykk på nokon som har teke på seg arbeidet med å lese det. Når ein ser på lista over tidlegare mottakarar skjønar ein dessutan at ein har hamna i eit særs staseleg selskap, seier Årskaug.
Utdelinga skjer under Litteraturfestivalen på Lillehammer 24.mai klokka 14.00.
Emner
Det Norske Samlaget er eit kultur- og kunnskapsforlag som gir ut litteratur på nynorsk. Vi gir ut omlag 100 titlar kvart år av norsk og omsett skjønnlitteratur, barne- og ungdomsbøker, dokumentar- og faktalitteratur, ordbøker og læremiddel for høgare utdanning.