Erna Osland aktuell med forteljingar om vennskap

Når to møter kvarandre, begynner ting å skje. Her er 14 forteljingar om nett det.

I Ta 100 steg og få ein venn møter Brage ei jente i djupet. Trond møter munnen til Maja-Mari. Mens Hanna møter Håvard utan å sjå han!

Vennskap kan oppstå på tvers av kjønn, alder og kulturelle skilnadar.

- Barns evne til å skape vennskap blir ikkje minst viktig for oss når vi, både barn og vaksne, skal møte dei nye som kjem til landet vårt i desse dagar. Ei ørllita forteljing om to som møter kvarandre for første gong og finn noko trygt og fint i fellesskapen, er kanskje ikkje så dumt nett no? Spør Osland seg.

Fleire av forteljingane er korte, andre er litt lengre. Men alle handlar om kor fint det er å få ein venn.

Ta 100 steg og få ein venn er illustrert av Torill Stranger.

Erna Osland (f. 1951) debuterte i 1987 med ungdomsromanen Natteramnen og har skrive ei rekkje kritikarroste bøker for barn, ungdom og vaksne. Ho har vore festspeldiktar under Festspillene i Bergen (2004), Dei nynorske festspela (2007) og Falturiltu (2009), og har fått ei rekkje prisar for bøkene sine, bl.a. Brageprisen og Norsk litteraturkritikarlags barnebokpris.