Erna Osland om dyr som ikkje søv om natta

Leikent og lærerikt om dyr som er vakne om natta!

VAKEN? er ei faktabok om nattaktive dyr. I kvart kapittel er det ei lita forteljing om kvar ein kan finne dei enkelte dyra. Kvifor er desse dyra vakne når vi andre søv? Får dei ikkje sove? Eller kan dei vere vakne samtidig som dei søv?

- Eg ville skrive ei godnattbok for barn og tenkte at det kunne vere fint om den handla om dei som ikkje skal legge seg, dei nattaktive dyra. Kva er gjer desse skapningane så trygge i mørket? Vi menneske blir jo så hjelpelause utan lys. Eg sluttar aldri å la meg fascinere over kor fint den minste skapning er utvikla for å greie seg, og nett det er jo ikkje så dumt å vite for den som sjølv er liten, seier Osland. 

Boka er illustrert av Anna Fiske.

Erna Osland (f. 1951) debuterte i 1987 med ungdomsromanen Natteramnen og har skrive ei rekkje kritikarroste bøker for barn, ungdom og vaksne. Osland er frå Høyanger i Sogn.