Pressemelding -
Marit Kaldhol ute med ny roman
To søstrer, Jenny og Solrun, veks opp saman med mamma og bestefar Olvar. Dei leikar på stranda og i skogen, byggjer hytte i det store tuntreet. Mamma les eventyret om Raudhette og ulven. Storesøster Solrun skulle alltid passe på Jenny. Ingen skulle gå seg vill. Mamma skulle vere der. Det skulle vere sol. Det som hender skulle ikkje hende.
Jenny må vere sterk, ta ansvar, vise omsorg. Men kven skal ha omsorg for Jenny?
Det skulle vere sol, vi skulle reise til Lódz er ein roman om eit nært og sårt søsterforhold, og om det å vere pårørande til ein rusmisbrukar.
Marit Kaldhol (f. 1955) har sidan debuten i 1983 gitt ut ei rekkje prislønte bøker for barn, ungdom og vaksne. Forfattarskapen hennar er rik og variert, og inneheld både biletbøker for små barn, lettlesbøker, drama, bøker for større barn og ungdom i tillegg til dikt og romanar for vaksne.
Frå bokmeldingar:"På flere nivåer kan man ane det "kaldholske" også i denne romanen: Den er satt sammen av ganske korte scener, stilen er velbalansert, poetisk, både i gledesglimtene og i skildringen av fortvilelse og sorg. (...) en vakker bok, full av frigjøringstrang"
Janneken Øverland, Klassekampen
"Hver side gir én scene, en liten fortelling, en erkjennelse. (...) Jeg liker luftigheten, de korte glimtene, sceneskiftene."Anne Cathrine Straume, Kulturnytt: NRK P2
"Pretritum
futurum er en verbform som står med beina i fortiden og uttrykker at
noe skal skje i fremtiden. Marit Kaldhol gjør det til grammatikk fylt av
inderlighet: Skulle være, skulle reise, skulle gjøre. Men så brister
det. Språket avdekker sorg og behov som ingen ser."
Karen Frøsland Nystøyl,
Vårt Land
Emner
Kategorier
Det Norske Samlaget er eit kultur- og kunnskapsforlag som gir ut litteratur på nynorsk. Vi gir ut omlag 100 titlar kvart år av norsk og omsett skjønnlitteratur, barne- og ungdomsbøker, dokumentar- og faktalitteratur, ordbøker og læremiddel for høgare utdanning.
