Pressemelding -
No kjem "Stille grender"; første bok ut i ny, norsk krimserie av Martin Baldysz
Stille grender av Martin Baldysz er første bok i ny historisk krimserie med søskenparet Johan og Sonja Ryer som etterforskarar.
Ryer-serien følgjer det umake etterforskarparet Johan og Sonja – han nøyaktig, mild og oppteken av detaljar, ho intuitiv, frittalande og med lite til overs for autoritetar. Eit klassisk mordmysterium i historisk drakt – med sterke karakterar, lun humor og den stille uhygga som berre ei avsides norsk fjordbygd kan romme.
Sunnmøre, Hausten 1902. Dotter til storbonden, Hedda Fosen, blir funnen brutalt drepen i den avsidesliggande Mardalen. Johan Ryer, fersk overkonstabel frå Ålesund, blir send for å etterforske. Med seg får han systera Sonja som assistent.
Krøkt mellom fjord og fjell ligg grenda der det usagde veg tyngre enn det sagde. Sterke krefter står steilt mot kvarandre, og no har noko mørkt sloppe laus.
«En drivende god krimroman som skiller seg ut i både miljø, intrige, karakterer og språk. Et forfriskende pust på den norske krimhimmelen.»
Geir Tangen, Krimforfattar
Martin Baldysz (f. 1977) debuterte med romanen Vintertrang i 2013. Stille grender er hans fjerde roman.
Forfattarportrett: Helle Frogner
Emner
Det Norske Samlaget er eit kultur- og kunnskapsforlag som gir ut litteratur på nynorsk. Vi gir ut omlag 100 titlar kvart år av norsk og omsett skjønnlitteratur, barne- og ungdomsbøker, dokumentar- og faktalitteratur, ordbøker og læremiddel for høgare utdanning.
