Olaug Nilssen nominert til Brageprisen for romanen "Yt etter evne, få etter behov"

Yt etter evne, få etter behov kom ut i oktober til svært gode meldingar. Nilssen hadde også ein formidabel suksess med  si førre romanTung tids tale (2017) som vann Brageprisen og no har eit samla opplag på over 40 000. Nilssen traff lesarane med si unike og sterke forteljing om å vere mor til eit funksjonshemma barn. Forteljinga i Yt etter evne, få etter behov er ei forlenging av tematikken i Tung tids tale: Kven tar ansvaret ingen eigentleg klarer, i vår individualistiske tid? Og finst det balanse i rekneskapen mellom plikt og fridom blant menneska, ikkje minst blant medlemmane i ein familie?

Vi får innblikk i kvardagen til ein heilt vanleg familie som har slutta å vere vanleg. Lea ligg i senga og spelar Hay Day på iPaden og lurer på om ho har ME. Søstera Rakel balanserer på stram line, med åleineomsorg for psykisk utviklingshemma Benjamin, som Lea ikkje makta å vere mor for lenger. Mor til søstrene, Gudrun, er opptatt med å vere der for dottera Linda og hennar familie. Ein dag då Benjamin skal leverast etter eit avlastingsopphald, er ikkje Rakel der for å ta imot han.

Frå grunngjevinga til Bragejuryen: "Romanen viser frem hvordan omsorg og selvomsorg kan bli til motsetninger, og til slutt ta knekken på mennesker som får ansvaret på sine skuldre. Dette er en litterært vellykket roman med noe vesentlig på hjertet. "

Frå meldingar av Yt etter evne, få etter behov:

«Sylskarpt familieportrett [...] Ein knallsterk roman om kva som skjer når behovet sprengjer alle rammer [...] svært underhaldande» Marta Norheim, NRK

«så nådeløst og forståelsesfullt skrevet at leseren gisper etter luft.» Bjørn Gabrielsen, DN

«Sterk og viktig lesing [...] Et av bokhøstens høydepunkt!» Janne Bjørgan, BA

«et sterkt driv og en kraft» Guri Hjeltnes, VG

«rasende og humoristisk med noe viktig på hjertet» Gro Jørstad Nilssen, BT

«et glitrende godt portrett av en familie på bristepunktet.» Maya Troberg Djuve, Dagbladet

«en familieroman om evige verdier som ansvar, oppofrelse, tro og kommunikasjon» Frode Johansen Riopelle, Morgenbladet

«drivende, spissformulert, og humoristisk» Astrid Fosvold, Vårt Land

«et varmt blikk både for dem som orker og de som ikke orker.» Anne Merethe K. Prinos

«skrevet for å gi innsikt [...] De siste bøkene til Olaug Nilssen framstår akkut viktige.» Tom Egil Hverven, Bokmagasinet i Klassekampen