PJ Harvey bokdebuterer med "Den opne handa"

PJ Harvey og fotograf Seamus Murphy er aktuell med boka Den opne handa (The Hollow of the Hand) som kjem ut samstundes i m.a. USA, Storbritannia, India, Australia, Mexico og Noreg 10.10. Boka er gjendikta til norsk av Pedro Carmona Alvarez og Gunnhild Øyehaug.

Store publikumsarrangement om boka på Litteraturhuset i Oslo 26.10. og Litteraturhuset i Bergen 27.10. med Øyehaug og Carmona Alvarez, musikk, opplesing, intervju.

Mellom 2011 og 2014 drog PJ Harvey og Seamus Murphy ut på ei rekkje reiser til Kosovo, Afghanistan og Washington, D.C. Murphy hadde omfattande erfaring med å fotografere konflikt og kvardagsliv i Kosovo og Afghanistan; Harvey hadde lenge vore fascinert av begge land. Washington, D.C. representerte den absolutte verdsmakta, men hadde også utfordringar på heimebane. Med eit felles mål og med stor appetitt samla Harvey ord og Murphy bilete.

Den opne handa er PJ Harveys første poesiutgiving og er eit unikt samarbeid med Seamus Murphy der dei kombinerer fotografi han har arbeidd med i over to tiår, med stoff som blei skapt på reisene.

Redaktør Kjersti Instefjord i Samlaget tok umiddelbart kontakt med forlaget i Storbritannia då nyheita kom i fjor haust om Harveys bokdebut:

-Vi var det første utanlandske forlaget som sikra oss rettane. PJ Harvey er ein artist som har hatt djup påverknad på vår generasjon, ein kunstnar som stadig utviklar seg og som held fram med å vere aktuell og nyskapande. Noko også Den opne handa er eit tydeleg prov på.

PJ Harvey:

- Gathering information from secondary sources felt too far removed for what I was trying to write about. I wanted to smell the air, feel the soil and meet the people of the countries I was fascinated with.

Seamus Murphy: 

- Polly is a writer who loves images and I am a photographer who loves words.

Kontakt:

Redaktør Kjersti Instefjord: k.instefjord@samlaget.no - 411 26 623

Pedro C. Alvarez: pedroprinz@hotmail.com - 452 31 665

Gunnhild Øyehaug: gunnhildoyehaug@gmail.com