Pressemelding -
Ruth Lillegraven og Inger Landsem klar med ny barnebok
Brageprisvinnar Ruth Lillegraven og illustratør Inger Landsem er klar med si fjerde bok i Mari og Magnus-serien; Mari og Magnus hos bestemor.
Mari og Magnus skal overnatte heimafrå for første gong. Det er både skummelt og fint, men heldigvis er det bestemor og hunden dei skal overnatte hos! Denne fjerde og siste boka i den sjarmerande serien om søskena Mari og Magnus har alt eit vellykka bestemorbesøk skal ha: aking, bollebaking og trygge, gode bestemor når kvelden kjem med heimlengt ...
Dei andre bøkene i serien:
Mari og Magnus flyttar inn
Mari og Magnus og smokketjuven
Mari og Magnus får katt
Sagt om bøkene:
"Dette er gode bøker for de aller minste"
Cathrine Krøger, Dagbladet"Gjenkjennelig barnehagedrama med fint driv."
Gerd Elin Stava Sandve, Dagsavisen"Spennende historie og velkjente utfordringer."
Bladet Mamma
Ruth Lillegraven (f. 1978) debuterte med den kritikarroste diktsamlinga Store stygge dikt i 2005. I 2013 fekk ho Brageprisen for diktsamlinga Urd. Bøkene om Mari og Magnus er dei første barnebøkene hennar. Ruth Lillegraven er frå Hardanger og bur no i Bærum.
Inger Landsem (f. 1950) har illustrert ei lang rekkje barnebøker og skulebøker. Ho
jobbar òg som biletkunstnar og har mange utstillingar bak seg.
Emner
Kategorier
Det Norske Samlaget er eit kultur- og kunnskapsforlag som gir ut litteratur på nynorsk. Vi gir ut omlag 100 titlar kvart år av norsk og omsett skjønnlitteratur, barne- og ungdomsbøker, dokumentar- og faktalitteratur, ordbøker og læremiddel for høgare utdanning.
