Sjarmerande og humoristisk bildebok om å kjenne seg annleis

Sjarmerande og morosam bildebok frå Hilde Myklebust og Bård Sletvold Torkildsen

Ein dag oppdagar Grisungen noko som gjer han heilt forskrekka: Han har ikkje krøll på halen! Alle dei andre grisane har spreke halekrøllar, berre ikkje Grisungen.

Han må få krøll på halen, for det skal jo grisar ha?

Dei andre dyra på garden er ikkje til særleg hjelp, og gode råd er dyre. Men så møter han Jentungen. Kan ho hjelpe Grisungen, tru?

Grisungen med den rette halen er ei varm og morosam forteljing om å kjenne seg annleis. Boka er rikt og sjarmerande illustrert av Bård Sletvold Torkildsen. Og er dette kanskje den første bildeboka her til lands kor ein karakterar har ein glukosesensor på armen?

Hilde Myklebust (f.1979) er poet og forfattar av barne- og ungdomsbøker. Ho har skrive fleire bildebøker, m.a. kritikarroste Ylva og villgeitene og ungdomsboka Splintra, som vart nominert til Brageprisen og Uprisen. I haust kjem Splintra ut i Tyskland og Nord-Makedonia.

Bård Sletvold Torkildsen (f.1990) er illustratør og designar, og har illustrert mange barnebøker. Dette er hans første samarbeid med Hilde Myklebust.

Emner

Kunst, kultur, underholdning

Kategorier

Regions

Møre og Romsdal

Det Norske Samlaget er eit kultur- og kunnskapsforlag som gir ut litteratur på nynorsk. Vi gir ut omlag 100 titlar kvart år av norsk og omsett skjønnlitteratur, barne- og ungdomsbøker, dokumentar- og faktalitteratur, ordbøker og læremiddel for høgare utdanning.