Pressemelding -
Tante Ulrikkes vei som direktestrøyming
Det Norske Teatret har nådd langt med direktestrøymingar av teaterframsyningar. No blir også Zeshan Shakars prisløna roman Tante Ulrikkes vei tilgjengeleg over heile landet.
TANTE ULRIKKES VEI
av Zeshan Shakar
DIREKTESTRØYMING
FREDAG 23. APRIL KL 20.00
ONSDAG 28. APRIL KL. 20.00
I DI EIGA STOVE
Samtidig som smitteverntiltaka held fram i hovudstaden og det ikkje er tillate å spele for eit fysisk publikum, deler Det Norske Teatret nok ei ny framsyning som direktestrøyming.Tante Ulrikkes vei hadde urpremiere som teater på Rommen Scene i Groruddalen i 2019, og har fram til koronarestriksjonane sette ein stoppar for det, spelt både der og på Scene 2 for fulle hus.
Oppvekst og klasse
I Tante Ulrikkes vei følger vi to unge gutar frå Stovner sin kamp for eit betre liv. Det handlar om kjærleik, ungdomsliv og det å prøve å forstå storsamfunnet. Og det handlar ikkje minst om klasse og den politiske og politisk korrekte eliten si blindsone.
Emner
Kategorier
Det Norske Teatret er Noregs største teater for refleksjon, oppleving og underhaldning. Teateret ligg sentralt i hovudstaden i eit moderne teaterbygg frå 1985 med 3 faste scenar, og over 250.000 publikummarar årleg.