Pressemelding -
Visit Nordfjord hyllar fjellsporten sin far med eit litt uvanleg «kjærleiksbrev»
Ein ny og unik film hyllar fjellpioneren Kristian Bing for dei bragdene han utførte i Nordfjord for over 100 år sidan. Han var den dyktige og uredde fjellklatraren som var første mann til å nå toppen av ei rekkje fjell og isbrear mellom Finnmark og Folgefonna.
Tysdag 12. mai lanserer Visit Nordfjord ein kortfilm meint som eit «kjærleiksbrev» til fjellpioneren som etablerte grunnlaget for den ekstreme fjellsporten i heimlandet vårt. Filmen bygger på ei hending frå 1895 der Bing, saman med kjentmannen Rasmus Aabrekk frå Olden, klatra det ekstreme brefallet i Briksdalen, Jostedalsbreen sin mest kjende brearm. Kristian utfordra naturen, men ikkje utan å førebu seg, ikkje utan å syne den nødvendige respekt for han.
I filmen møter vi ein ny mann i ei ny tid som utfordrar naturen i det same landskapet Bing regjerte. Morten Knapstad frå Team OneCall er profesjonell speedridear som søker å fange dei psykiske og fysiske kreftene Bing må ha spelt på lag med når han gjorde draum til røyndom. Når Knapstad renn nedover toppen av breplatået for så å fly nedover langs breen før han landar trygt nede i dalen, kjenner han nærleiken til Bing og hans vilje og drivkraft til å vere fyrst, til å meistre utan å vere dumdristig. Samspelet mellom natur og menneske, mellom det moglege og umoglege, er det styrande elementet også for Morten. I slike stunder smeltar historia saman med notida.
«Å hylle pioneren Kristian Bing ved å vere den første som flyr ut frå breplatået og ned den bratte Briksdalsbreen, er ei fantastisk oppleving – naturen her er heilt unik», seier Morten Knapstad.
Filmen er eit av fleire tiltak for å løfte fram og promotere oppdagingane Bing gjorde i Nordfjord. Han gjekk Jostedalsbreen på langs, klatra Briksdalsbreen, oppdaga dei 6000 år gamle helleristningane på Vingenfeltet og klatra Nord-Europa si høgste sjøklippe Hornelen. Slik vil vi kople notida sine utforskarar med dei som skreiv starten på historia innan fjellsport i Nordfjord. Filmen avspeglar og søker svar på kva som er motivasjonen og drivkrafta for stadig å søke det nye og uprøvde.
Bing slutta aldri å utforske naturen eller eigne grenser. Dette inspirerer stadig nye generasjonar av utfordrarar. Det bør inspirere oss alle.
Filmen er laga i eit samarbeid mellom destinasjonsselskapet Visit Nordfjord, Briksdalsbre Fjellstove, Team OneCall, Stryn kommune, Bremanger kommune og Stryn Næringssamskipnad.
Kontaktpersonar:
Visit Nordfjord
Marita Lindvik, dagleg leiar
tlf. 481 48 699
marita@nordfjord.no
Team OneCall,
Bjørn Magne Bryn, dagleg leiar
tlf. 976 04 000
bmb.voss@gmail.com
Filmen vil bli lansert på www.nordfjord.no den 12. mai.
Related links
Emner
Kategorier
Regions
Destinasjonsselskapet Visit Nordfjord AS er eit fellesorgan for marknadsføring og sal av Nordfjord som reisemål, nasjonalt og internasjonalt. Selskapet har til hovudoppgåve å bidra til auka verdiskaping, betre lønsemd og å skape ringverknader for Nordfjord-regionen gjennom heile året.
Fjord Norge AS er landsdelsselskapet for de tre Vestlandsfylkene og det offisielle turistrådet for Vestlandet. Selskapet har hovedansvaret for den internasjonale markedsføringen av Vestlandet innenfor ferie- og fritidssegmentet.
Fjord Norge AS eies av nærmere 200 reiselivsbedrifter i landsdelen, samt de tre fylkeskommunene på Vestlandet.
Mer bilde- og videomaterial finnes her.
