Gå videre til innhold
Kulturminister Trine Skei Grande    Foto: Mona Lindseth/Kulturdepartementet
Kulturminister Trine Skei Grande Foto: Mona Lindseth/Kulturdepartementet

Nyhet -

​Kulturministeren kjem til Opera Nordfjord

Kulturminister Trine Skei Grande (V) har takka ja til å kome på Opera Nordfjord si 20-års jubileumsoppsetjing i 2018, La Bohème av Puccini. Kulturministeren kjem til Nordfjordeid på opera laurdag 6. oktober.

- Dette er ein milepæl for Opera Nordfjord - attpåtil i det store jubileumsåret! Det er første gong på dei 20 åra Opera Nordfjord har eksistert at vi får Kulturministeren på besøk på ei forestilling, seier operasjef Kari Pavelich og ordførar i Eid, Alfred Bjørlo.

Opera Nordfjord har sidan oppstarten i 1998 vakse seg fram til å bli ein av dei sentrale kulturinstitusjonane i Sogn og Fjordane, og ein av dei mest aktive distriktsoperaene i Noreg. Operahuset Nordfjord opna i 2009, med over 500 sitjeplassar og spesialbygd sal for akustisk song og musikk. Dermed fekk Opera Nordfjord ei "heimebane" som det enno ikkje finst maken til i Noreg utanfor Operahuset i Bjørvika i Oslo. Opera Nordfjord har også stor aktivitet i regionen rundt, både i Sogn og Fjordane og Møre og Romsdal.

I fjor haust såg nesten 4.000 publikummarar den nyskrivne operaen "Sildagapet - ein opera om havets sølv". Heile 96% av plassane vart selde til dei 8 forestillingane. I år er det ein av dei store klassikarane i operaverda, La Bohème av Puccini, som står på programmet i ei ny, nynorsk omsetjing. Premieren er onsdag 3. oktober, med åtte framsyningar samla.

- Vi vil ynskje Kulturministeren hjarteleg velkomen til Nordfjordeid i oktober - og oppleve eit opera-eventyr heilt utanom det vanlege, seier operasjef Kari Pavelich og ordførar i Eid, Alfred Bjørlo.

Kulturminister Trine Skei Grande vil også besøke Nordfjordeid torsdag 5. juli, mellom anna for å besøke Eid vidaregåande skule og Operahuset Nordfjord, og møte internasjonale kulturaktørar som planlegg eit nytt samarbeidsprosjekt med kulturmiljøet rundt Operahuset Nordfjord.

Kontaktinformasjon:

Operasjef Kari Standal Pavelich: Tlf 951 37 226          Ordførar Alfred Bjørlo: Tlf 480 82 652

Emner

Regions

Pressekontakt

Kari Standal Pavelich

Kari Standal Pavelich

Pressekontakt Operasjef/produsent Operasjef og pressekontakt 95137226

Distriktsoperaen for Sogn og Fjordane

Stiftinga Opera Nordfjord (ON) vart skipa i 1998 etter initiativ frå ekteparet Kari Standal Pavelich og Michael Pavelich og er i 2017 inne i sin 19. sesong med opera- og operetteproduksjonar. I tillegg til dei årvisse haustproduksjonane har Opera Nordfjord hatt fleire konsertturnéar i fylket, frå klassisk operagalla-repertoar til urframføring av norsk opera og samarbeidsprosjekt med Firda VGS, m.a. Requiem av Verdi. Fire somrar arrangerte ON Opera Workshop for operasongarar og -studentar med Elizabeth Norberg-Schulz, og dei siste åra har ON hatt eit tett samarbeid med Eid VGS om oppsetting av skulemusikalar i vårsemesteret. Arbeidet til ON er tufta på det omfattande og viktige dugnadsarbeidet til fleire hundre frivillige innan m.a. kulissearbeid, kostymesaum, lyssetting, hår og sminke og servering. Samarbeidet mellom profesjonelle aktørar og glade amatørar i kor og produksjonsapparat har vore avgjerande for ON sin framvekst og suksess.

Opera Nordfjord
Gamlebanken, Eidsgata 10
6770 Nordfjordeid
Norge