Opera Nordfjord på turné med Fantasy-filmmusikk

Endeleg er SCORE Productions tilbake med nytt samarbeid med Opera Nordfjord! Etter stor suksess våren 2018 med dataspelmusikk, innbyr operaen til eit nytt, magisk, musikalsk eventyr når SAGAS skal på turné til Nordfjordeid, Førde og Sogndal 24.-26. april 2020. 

Publikum får bli med på ei musikalsk reise inn i fantasien si verd. SAGAS byr på filmmusikk frå Fantasy-sjangeren, i tillegg til klassikarar frå spel-verda. På repertoaret står kassasuksessar som Harry Potter, Narnia, The Lord of the Rings, Conan – The Barbarian, Carmina Burana, Skyrim, Shadow of the Colossus og sjølvsagt musikk frå den umåteleg populære TV-serien Game of Thrones. 

Konferansier vert inspirerande Fantasy-ekspert Orvar Sãfström, og Sabina Zweiacker er tilbake som solist med si vakre sopranstemme.

                                        Bilete: Sopran Sabina Zweiacker og konferansier Orvar Säfström                                   

Konsertane passar både for det kresne, klassiske konsertpublikumet, for unge og eldre gamerar og ihuga Fantasy-tilhengarar, uansett alder. Her er det heilt trygt for besteforeldre å ta med barnebarn for å oppleve spennande og inspirert symfonisk musikk med eit 50-tals orkester og stort kor, samansett av Musikklinjekoret ved Firda vidaregåande skule og Opera Nordfjord sitt eige operakor. Dirigent vert Michael Pavelich.

Billettsalet er i gong på www.operanordfjord.no