Gå videre til innhold
Lars Marius Hølås, Eivind Rossbach Heier og Jostein Bolås Brødreskift utgjer Trio no Treble. Foto:Ole Wuttudal
Lars Marius Hølås, Eivind Rossbach Heier og Jostein Bolås Brødreskift utgjer Trio no Treble. Foto:Ole Wuttudal

Nyhet -

Trio no Treble med konsert i Gamlebanken

Trio no Treble er ein stryketrio med bratsj, cello og kontrabass! Ein trio utan diskant, kun mørke røyster og djup klang. Kan det bli betre? Opera Nordfjord har invitert denne utradisjonelle trioen til konsert og hyggeleg lag i Gamlebanken førstkommande søndag.

Trioen, som består av Lars Marius Hølås på bratsj, Eivind Rossbach Heier på cello og Jostein Bolås Brødreskift på kontrabass, vart stifta sommaren 2017 og har sidan oppstarten hatt stor suksess med sine konsertar i  Trøndelagsregionen, rundt i Noreg og i Serbia. Dei har også vore festivaltrio på Festspillene i Helgeland samt spelt eigne konsertar på Hamar og i Operaen i Oslo. Trioen har nettopp gitt ut sitt aller første album og er kjend for si leikne tilnærming til både folkemusikk og klassisk musikk og sine spreke tolkingar av ny popmusikk; det er all grunn til å gle seg til ein konsert heilt utanom det vanlege!

Emner

Regions

Pressekontakt

Kari Standal Pavelich

Kari Standal Pavelich

Pressekontakt Operasjef/produsent Operasjef og pressekontakt 95137226

Distriktsoperaen for Sogn og Fjordane

Stiftinga Opera Nordfjord (ON) vart skipa i 1998 etter initiativ frå ekteparet Kari Standal Pavelich og Michael Pavelich og er i 2017 inne i sin 19. sesong med opera- og operetteproduksjonar. I tillegg til dei årvisse haustproduksjonane har Opera Nordfjord hatt fleire konsertturnéar i fylket, frå klassisk operagalla-repertoar til urframføring av norsk opera og samarbeidsprosjekt med Firda VGS, m.a. Requiem av Verdi. Fire somrar arrangerte ON Opera Workshop for operasongarar og -studentar med Elizabeth Norberg-Schulz, og dei siste åra har ON hatt eit tett samarbeid med Eid VGS om oppsetting av skulemusikalar i vårsemesteret. Arbeidet til ON er tufta på det omfattande og viktige dugnadsarbeidet til fleire hundre frivillige innan m.a. kulissearbeid, kostymesaum, lyssetting, hår og sminke og servering. Samarbeidet mellom profesjonelle aktørar og glade amatørar i kor og produksjonsapparat har vore avgjerande for ON sin framvekst og suksess.

Opera Nordfjord
Gamlebanken, Eidsgata 10
6770 Nordfjordeid
Norge