Pressemelding -
Athena Farrokhzad klar med "Anno asen" på norsk
Lansering på Rosa Bøker i Oslo laurdag 18.1. kl 15:
I diktsamlinga Anno asen vender Athena Farrokhzad tilbake til sentrale tema i forfattarskapen sin, denne gongen via eselet. Denne dyreverdas proletar som vi har fordumma for å kunne utnytte, denne migranten som aldri får lagt frå seg børa si. Dikta rører seg frå forteljarens kvardag til ville fantasiar om eselets ulike ansikt og lengtande songar om eit fjernt opprør. Arbeidskritikken fell saman med skildringar av døden i diasporaen, og morskapen dukkar opp i eit nytt lys under eselhoppas antropomorfe natt.Farrokhzad sluttar seg til ein litterær tradisjon som går frå Mulla Nasreddin til Ramón Jiménez, der Tussi har blitt med i RAF og alle år er eselets.
Gjendikta av Ida Hove Solberg.
ATHENA FARROKHZAD (f. 1983) er poet, dramatikar, gjendiktar og litteraturkritikar busett i Stockholm. Ho debuterte med Vitsvit i 2013 (Hvitverk, Kolon forlag, 2016) og denne boka er seinare utgitt på 20 språk. Ho har også gitt ut diktsamlingane Trado (2016, norsk utgåve på H//O//F i 2021) og I rörelse (2019) og gjendikta poetar som Adrienne Rich, Audre Lorde og Natalie Diaz til svensk. Ho arbeider som litteraturansvarleg på Kulturhuset Stadsteatern og gjesteforelesar i poesi ved Linköpings universitet.
IDA HOVE SOLBERG (f. 1987) kjem frå Leksvik og bur i Oslo. Hen debuterte med diktsamlinga Var det grønt i 2024. Hen har i samarbeid med Sindre Andersen gjendikta Athena Farrokhzad og Svetlana Cârsteans Trado (H//O//F 2021) og Terrance Hayes’ Amerikanske sonettar til min fortidige og framtidige snikmordar (Samlaget 2022) i samarbeid med Sofia Knudsen Estifanos. Var det grønt er debutboka hens.
Emner
Det Norske Samlaget er eit kultur- og kunnskapsforlag som gir ut litteratur på nynorsk. Vi gir ut omlag 100 titlar kvart år av norsk og omsett skjønnlitteratur, barne- og ungdomsbøker, dokumentar- og faktalitteratur, ordbøker og læremiddel for høgare utdanning.
