Pressemelding -
Den engelske utgåva av "Fugletribunalet" haustar strålande kritikk og blir opplesningsserie på BBC Radio!
Agnes Ravatn sin gjennombrotsroman Fugletribunalet (2013) vart i haust lansert i England og har motteke gode skussmål frå det engelske publikumet.
Nettstaden Crimefictionlover.com har utropa The Bird Tribunal til årets beste ”Nordic Noir Novel” framfor mellom anna Jo Nesbø og avisa The Irish Times skriv at romanen er ”a chilly psychological thriller / domestic noir that unfolds in an austere style that perfectly captures the bleakly beautiful landscape of Norway’s far north.”
I tillegg til god kritikk skal The Bird Tribunal gå som opplesningsserie på BBC radio i januar 2017 under programposten ”Book at Bedtime”.
Rettane til Fugletribunalet er no selt til sju land: Litauen, Russland, Storbritannia, Danmark, Serbia, Tyskland og Tyrkia.
Fugletribunalet kom ut i 2013 til strålande kritikkar. Boka slo også godt an hjå norske lesarar og opplaget er no oppe i over 30 000. Ravatn fekk P2-lyttaranes romanpris, Ungdommens kritikarpris og Bokbloggerprisen for boka. Fugletribunalet er også dramatisert og har gått for fulle hus på Det Norske Teatret.
Emner
Kategorier
Det Norske Samlaget er eit kultur- og kunnskapsforlag som gir ut litteratur på nynorsk. Vi gir ut omlag 100 titlar kvart år av norsk og omsett skjønnlitteratur, barne- og ungdomsbøker, dokumentar- og faktalitteratur, ordbøker og læremiddel for høgare utdanning.
