Humoristisk lettlesen bok om rett og gale

Sara er ei skjor som elskar å pynte seg. Ho har tusenvis av flotte smykke og annan pynt1 Men ein dag finn ho ein heilt uvanleg vakker ring i smykkeskrinet til mora. Kva om ho låner han, berre lite grann? Burde ikkje det gå heilt fint?

Ringen er ein del av Samlagets Leseland for barn som lærer å lese. Dette er gode historier med enkel tekst og sjarmerande illustrasjonar, skapte for å stimulere og inspirere ferske lesarar.

Martine Grande (f. 1985) kjem frå Lierne i Trøndelag og bur i Trondheim. Ho er forfattar, illustratør og animatør, og har laga ei rekke lettlesbøker og biletbøker på Samlaget.