Pressemelding -
Humoristisk og varm barnebok om store drøymer, gode venner og irriterande småsøsken
Sjarmerande bok om gode vennar, irriterande småsøsken og dårleg samvit
Saga er lei av masete småsøsken og slitne foreldre. Ho drøymer om å få Kongens fortenestemedalje og kome på slottet. Då får ho vel endeleg litt merksemd! Saman med bestevennen Storm skal ho trene familiehunden til å bli ein redningshund. Slik får ein fortenestemedalje, har ho høyrt. Men kva skjer når veslebroren Leon må bli med og dei mistar han i skogen? Då er det godt å ha ein venn som Storm!
Saga og Storm og Kongens fortenestemedalje er ei varm og humoristisk bok om å vilje bli sett, gode vennar og søskenkjærleik.
Boka er rikt illustrert av Ella Okstad.
Veronika Erstad (f.1979) er forfattar og barnevernspedagog. Ho skriv bøker for både vaksne og barn. Erstad kjem frå Rosendal, og er busett i Bergen.
Ella Okstad (f.1973) er illustratør og grafisk designar.
Related links
Emner
Kategorier
Regions
Det Norske Samlaget er eit kultur- og kunnskapsforlag som gir ut litteratur på nynorsk. Vi gir ut omlag 100 titlar kvart år av norsk og omsett skjønnlitteratur, barne- og ungdomsbøker, dokumentar- og faktalitteratur, ordbøker og læremiddel for høgare utdanning.
