Lothepus-biografien inn på førsteplassen på bestseljarlista

Biografien om Leif Einar Lothe, betre kjend som Lothepus går inn på førsteplassen på bestseljarlista. "Går det til helvete, så går det til helvete" som er ført i pennen av forfattar og journalist Finn Tokvam, har også fått svært gode meldingar:

Det var en gang en kar som fanget laks med grabben på gravemaskinen. Og skøyt ørret med hagle. Og mannen ble kalt Lothepus. Og boken hans? Den er bra, jæskla bra! ...

Første kapittel setter tonen og stilen så klokkerent at man får lyst til å ete boken i et jafs som om den var en burger.

Mari Grydeland, Aftenposten

Årets artigste bok, med god margin, full av livserfaring som den oppvoksende slekta sårt kan trenge. ... Boka til Lothepus bør settes på pensum.

Tollef Mjaugedal, Klassekampen

Boken, med undertittelen «Går det til helvete, så går det til helvete», er drivende god.

Lars Kolbeinstveit, Minerva

Rabbagasten Lothepus appellerer til opprøraren i oss. Men tøffingen frå Hardanger er mjuk under skalet.

Tom Hetland, Stavanger Aftenblad

Leif-Einar Lothe, betre kjend som Lothepus, sjarmerer og provoserer folk over heile landet. Hardhausen frå Odda i Hardanger, med cowboyhatt og røyk i kjeften, er eit fenomen ingen kan vere likegyldig til.

Over ein million følgde med då Lothepus vann realityserien «Farmen kjendis» vinteren 2017. Men kven er han? Eit ekte mannfolk? Ein dinosaur med forkvakla kvinnesyn? Ein snill og hjelpsam mann? Ein som gir faen? Ein tulling? Eit geni?

Journalist og forfattar Finn Tokvam har hatt mange samtalar med Lothepus for å finne svar på desse spørsmåla. Resultatet er ei bok med røvarhistorier og private foto frå ein sann eventyrar. Lothepus fortel om den gongen han flykta frå politiet med hest, om kunsten å ri i fylla, og om då han var på reinjakt på vidda og leigde sjøfly for å gå på pub i Bergen. Han fortel også om kva det gjorde med han at han mista veslebror sin, Stian, i ung alder.

Leif Einar Lothe (f. 1969) er entrepenør, sprenger, maskinist, sangar og TV-kjendis. Lothe er frå Rogdo i Ullensvang og bur i dag i Odda. Han vann reality-serien Farmen kjendis i 2017, og mange kjenner han frå dokumentarserien Fjorden Cowboys, som følgjer Lothe og makkaren hans, Joar Førde, i kvardagen deira.

Finn Tokvam (f. 1972) er journalist, musikar og forfattar frå Flåm. Han debuterte med romanen Tyl i 2005 saman med Halvor Folgerø. Finn Tokvam er journalist og humorist, han er kjent frå mellom anna radioprogrammet P.I.L.S på NRK, har skrive fleire bøker og er vokalist i populærorkesteret Finn-Erix.