"Ny grunnlov" av Are Kalvø rett inn på sjetteplass på bestseljarlista

"Ny grunnlov" av Are Kalvø vart lansert 28.2. og kom denne veka rett inn på bestseljarlista for generell litteratur. Ein glad forfattar seier dette om plasseringa: -Herlig. Det viktigaste for meg er å slå Mindfulness for nybegynnere.

Meir om boka:

Ingen har spurt Are Kalvø om han har lyst å lage ei ny grunnlov. Men det har han. Og no har han gjort det.

Den norske grunnlova blei laga for nesten to hundre år sidan av ein gjeng ureinslige menn på seminar på Eidsvoll. Are Kalvø meinte han måtte kunne gjere ein betre jobb, og reiste ut i landet for å lage ei ny grunnlov, som bygger på det folk i dag meiner.

Resultatet blei ei ny og sjølvsagt mykje betre grunnlov, men òg ein tv-serie som dokumenterer arbeidet, Riksforsamlinga, som går på NRK1 på måndagar.

Boka inneheld den nye grunnlova, historia om korleis grunnlova blei til, men òg mange ulike slags forsøk - nokre av dei direkte tøvete - på å finne ut kva folk i dag eigentlig meiner om til dømes likskap, demokrati, monarki, religion og ytringsfridom.

Ny grunnlov inneheld fleire vitsar og søkte teoriar og er illustrert med ganske overraskande fotos.

Are Kalvø (f. 1969) kjem frå Stranda og er ein av verdas største nynorsk-humoristar. Dette har han dokumentert gjennom ein lang karriere som forfattar, radioprogramleiar, avisspaltist og stå-opp-komikar.