Pressemelding -
Nynorsk barnelitteraturpris til Maria Parr og Åshild Irgens
Forfattar Maria Parr og illustratør Åshild Irgens får Nynorsk barnelitteraturpris 2023 for boka Oskar og eg. Nynorsk barnelitteraturpris vert delt ut ved opninga av landsmøtet i Noregs Mållag i Trondheim 19.–21. april 2024.
Prisen kjem same veke som det vart kjend at Oskar og eg er nominert til Nordisk råds barne- og ungdomslitteraturpris.
Juryen for Nynorsk barnelitteraturpris skriv i grunngivinga: “Maria Parr er rett og slett i ein eigen divisjon i norsk barnelitteratur, med sitt friske, kraftfulle språk, drivet i forteljingane og dei heilstøypte karakterane som me blir så glade i. Teksten vippar aldri over til å bli for søt eller sentimental. Hennar faste illustratør, Åshild Irgens, har fått boltre seg litt meir enn vanleg, og dette vil truleg gjera at ferske lesarar vil sluke denne boka. Det at Maria Parr tek høgtlesinga på alvor i ei tid der ein treng den meir enn før, samtidig som den blir litt borte hos mange, er noko som gjer boka ekstra fin.”
Prisen er på 50 000 kroner og har blitt delt ut av Noregs Mållag sidan 1956.
Emner
Kategorier
Det Norske Samlaget er eit kultur- og kunnskapsforlag som gir ut litteratur på nynorsk. Vi gir ut omlag 100 titlar kvart år av norsk og omsett skjønnlitteratur, barne- og ungdomsbøker, dokumentar- og faktalitteratur, ordbøker og læremiddel for høgare utdanning.
