Nytt historieverk no komplett med eit banebrytande band om 1800-talet

Norsk historie er no ute i ny firebands utgåve. Det Norske Samlaget sitt historieverk for høgare utdanning har prega norsk historieutdanning sidan 1970-åra, og kjem no i ny utgåve skrive av landets fremste historikarar.

I Norsk historie 1814 til 1905 (band 3), tek Jan Eivind Myhre eit oppgjer med førestillingane om at Noreg var eit av dei fattigaste og mest tilbakeliggjande landa i Europa for vel hundre år sidan. Myhre viser i si framstilling at Noreg gjennom heile 1800-talet låg langt framme både når det galdt levestandard, opplysningsnivå og økonomisk utvikling. Landet var rundt 1900 slik sett moderne samanlikna med hundre år tidlegare og med dei fleste land i Europa og verda elles i samtida.

Myhre oppsummerer bandet slik -Forklaringane på at Noreg, samanlikna med dei fleste land, utvikla seg til eit demokratisk, velståande og opplyst land på 1800-talet, er fleire. Stikkorda er; infrastrukturen, skulevesenet, relativ sosial likskap og eit blomstrande sivilt samfunn, i sum stabile institusjonar bygd på felles rasjonalitet.

Landet hadde eit godt utgangspunkt i 1814 og utviklinga på 1800-talet følgjer i hovudsak eit vestleg mønster. Men Noreg tok likevel eigne vegar som gjorde at landet i 1905 framstod som forholdsvis demokratisk, fritt og velståande og med kulturtrekk (forfattarar, kunstnarar, folkekultur, vitskapsmenn)som blei anerkjende i utlandet.

Dei tre andre banda i verket er alt ute. Det er Jon Vidar Sigurdsson og Anne Irene Riisøy: Norsk historie 800-1536 (band 1), Ståle Dyrvik Norsk historie 1536-1814 (band 2) og Ola Svein Stugu Norsk historie etter 1905 (band 4). I band fire fører Stugu Noregs historie heilt fram til 2012, i ei spennande nyskriving av vår nære historie.

For meldareksemplar av bandet eller verket, ta kontakt med m.hvamstad@samlaget.no

Kontaktinfo:

Jan Eivind Myhre – (forfattar): j.e.myhre@iakh.uio.no
mobil: 48423304

Beate Homlong (redaktør for "Norsk historie"): b.homlong@samlaget.no
mobil: 414 54 664