Pressemelding —
Ollis av Ingunn Thon seld til engelsk forlag
Ollis av Ingunn Thon seld til engelsk forlag
Interessa for Ingunn Thon si debutbok Ollis held fram. Evy Tillman i Oslo Literary Agency fortel at dei nett har avslutta forhandlinga med det engelske forlaget Wacky Bee Books.
- Ingunn Thons strålande litterære debut Ollis blei i rekordfart seld til fleire land. At boka no også skal ut i ein av verdas viktigaste bokmarknadar, er stort. Ein engelsk utgivelse er også ein viktig døråpner for at boken skal nå endå fleire språkområder, seier Evy Tillman, litterær agent i Oslo Literary Agency.
Boka er så langt seld til 6 språk: dansk, engelsk, georgisk, italiensk, tyrkisk, tysk.
- Det kjennest som ein skikkeleg stor dag, seier forfattar Ingunn Thon.
- Eg hadde ikkje trudd at Ollis skulle ende opp i dei britiske barnebokhyllene, som rommar så mykje fint. Ho kjem til å vera i ekstremt godt selskap!
Les meir om Ollis her: https://samlaget.no/products/ollis
Ingunn Thon (f. 1986) arbeider i NRK Super, mellom anna som dokkespelar. Barn kjenner henne også frå Barne-TV. Ho har utdanninga si frå tekst- og skribentlina ved Westerdals og frå journalistutdanninga ved NRK Nynorsk mediesenter.
Emner
Det Norske Samlaget er eit kultur- og kunnskapsforlag som gir ut litteratur på nynorsk. Vi gir ut omlag 100 titlar kvart år av norsk og omsett skjønnlitteratur, barne- og ungdomsbøker, dokumentar- og faktalitteratur, ordbøker og læremiddel for høgare utdanning.
