Pressemelding -
PRESSEMELDING: LANSERING AV NY BOK OM STADNAMN I HORDALAND
Mannen bak det populære programmet ”Språkspalten” på NRK Hordaland, Gunnstein Akselberg, er ute med ei ny folkeopplysande bok, denne gongen om stadnamn i Hordaland. Frå Alverstraumen, Knarvik, Myking i Nordhordland, Bekkjarvik, Huglo, Utbjoa i Sunnhordland, Aga, Hjeltnes, Veig i Hardanger, Bulken, Lønahorgi, Ygre ved Voss, til Arna, Minde, Rundemanen og Skoltegrunnskaien i Bergen – i denne boka finn du tydinga, opphavet og historikken – til desse og hundretals andre namn på gardar, fabrikkar, åkrar, bruer, fjelltoppar, elvar, vatn, øyar, fjordarmar, gjel, gater, flyplassar eller kommunar.
Gunnstein Akselberg er professor i nordisk språk ved Universitetet i Bergen, og har arbeidd særleg med sosiolingvistikk, dialelektologi og namnegransking. I 2008 gav han ut boka Ord og uttrykk frå Hordaland.
12. april kl. 18.00 kan du høyre Gunnstein Akselberg og Sylfest Lomheim i samtale om boka.
Studia, Studentsenteret i Bergen. Lett servering, gratis inngang.
Emner
Kategorier
Det Norske Samlaget er eit kultur- og kunnskapsforlag som gir ut litteratur på nynorsk. Vi gir ut omlag 100 titlar kvart år av norsk og omsett skjønnlitteratur, barne- og ungdomsbøker, dokumentar- og faktalitteratur, ordbøker og læremiddel for høgare utdanning.
