Pressemelding -
"Septologien" av Jon Fosse på kortlista til Den internasjonale Bookerprisen
Jon Fosse er inne på kortlista til Den internasjonale Bookerprisen for det tredje og avsluttande bandet i Septologien, Eit nytt namn som kom ut i fjor haust. Den internasjonale Bookerprisen er ein av verdas mest prestisjefylte litterære prisar og vert delt ut til den beste skjønnlitterære boka omsett til engelsk. Prisen er på 60 000 pund. Fosse var på langlista for den gjeve prisen for band ein av Septologien i 2020.
-Eg er overraska og glad over nominasjonen. Lista over dei nominerte til prisen er imponerande, seier Fosse.
Septologien er eit suggererande og storslått romanverk om kva kunst er, om Gud, alkoholisme, vennskap og tida som går. Det handlar om døden, men òg om kva det vil seie å vere i livet. Verket er sett saman av dei tre bøkene Det andre namnet, Eg er ein annan og Eit nytt namn.
For informasjon frå forlaget om nominasjonen, kontakt Anne Liv Tresselt a.tresselt@samlaget.no 905 61 322.
Emner
Det Norske Samlaget er eit kultur- og kunnskapsforlag som gir ut litteratur på nynorsk. Vi gir ut omlag 100 titlar kvart år av norsk og omsett skjønnlitteratur, barne- og ungdomsbøker, dokumentar- og faktalitteratur, ordbøker og læremiddel for høgare utdanning.
