Stein Versto aktuell med roman; "Nidaros" - lansering med Odd Nordstoga

Stein Versto er ute med sin første roman, Nidaros og lanserer boka på Litteraturhuset i Oslo 12.11. (med Odd Nordstoga) og i Trondheim Kunstmuseum 19.11. Forfattar Ingrid Storholmen intervjuar han på begge arrangementa. 

Stein Versto (f. 1957) debuterte med novellesamlinga Ho blei borte i trappene (1990)  som han fekk  Tarjei Vesaas' debutantpris for. Versto har også skrive diktsamlingane Innfalda tid, minne (1995) og Snø i partituret (2000). No er han endeleg tilbake med ny bok, og dette er også den første romanen hans. Stein Versto har dei siste åra vore leiar i Det Litterære Råd i Forfattarforeninga og er også kjend som tekstforfattar for Odd Nordstoga. 

Nidaros er ei kjærleiksforteljing og eit  intenst trekantdrama. Romanen følgjer Peter, ein foreldrelaus gut som veks opp i eit kloster i Tyskland, Ben, ein komponist frå Oslo, og Birgitta, ein skodespelar med røter i Telemark. Romanen flettar saman fortida og notida og det indre og ytre livet til desse personane. Notidshandlinga tar oss med til Trondheim, som Ben har reist til for å begynne på eit nytt musikkverk. Her møter han Birgitta, som han tidlegare har hatt eit kjærleiksforhold til. Birgitta er i byen med ein gammal ven, Peter. Når desse tre møtes blir er det ikkje muleg å halde fortida skjult lenger; alt må opp i dagen. Dei blir dermed nøydde til å møte alt dei ikkje visste om seg sjølv. Og det viser seg at dei alle er knytte saman på måtar dei aldri hadde drøymt om.

Nidaros tematiserer korleis det vi ikkje hugsar, spelar aktivt med i livet vårt og formar relasjonar, reaksjonar og handlingar.

LANSERING I OSLO: 12.9. kl 19 i Nedjma på Litteraturhuset

LANSERING I TRONDHEIM: 19.9. KL 19 i Trondheim kunstmuseum (i samarbeid med Norsk Forfattarsentrum Midt-Norge)