Eirik Stubøs genistrek av ei musikalsk teaterframsyning blandar familietragedie med liveframførte jazzlåtar. I oktober får Sorga kler Elektra nokre få ekstraframsyningar, og kjem rett frå Bergman-festivalen ved Dramaten i Stockholm.
For første gong på Det Norske Teatret blir eit stykke av vår tids mest anerkjende dramatikar sett opp på Hovudscenen. Det skjer når Trine Wiggen regisserer Fosses storslåtte drama "Draum om hausten".
I "Fridomens vegar" undersøkjer regissør Tore Vagn Lid kva den utstrakte testinga vi blir utsette for gjer med oss. Dette gjer han i ein pubquiz-inspirert setting der publikum blir delte inn i lag, og skodespelarane opptrer som quizvertar som testar publikums kunnskapar og resonneringsevner.
Liknar vår del av verda meir og meir på ein festning mot dei som ønskjer å ta del i velstanden her nord? Sjølv om vi prøver å stenge krigens vondskap ute, så veltar han ubønnhørleg over oss. Til og med når vi er på ferie.
