Pressemelding -
Agnes Ravatn, Maria Parr og Åshild Irgens er nominerte til årets Bokhandlarpris
Samlaget har to nominerte bøker til årets Bokhandlarpris:
Agnes Ravatns roman Doggerland og Maria Parrs og Åshild Irgens (ill.) barnebok Oskar og eg. Alle tinga vi har er begge på lista over nominerte til den gjeve prisen. Både Agnes Ravatn og Maria Parr har vore nominerte til prisen tidlegare.
Agnes Ravatn (f. 1983) har gitt ut fleire kritikarroste og populære bøker, blant anna romanane Fugletribunalet (2013), Dei sju dørene (2019) og Gjestene (2022). Ravatn har også gitt ut fleire populære sakprosabøker, mellom anna bestseljaren Operasjon sjølvdisiplin (2014). Ravatns særeigne, vittige stemme og skarpe blikk for menneskeleg svakheit går alltid att – om ho skriv romanar, journalistikk eller essay. Doggerland er den femte romanen hennar. Boka kom ut til solide meldingar i september, og har vore høgt på bestseljarlista sidan ho kom ut.
«"Succession" på isolert vestlandsøy .... Den utfordrer og villeder, vekker begeistring, ubehag og nye tanker – slik god litteratur skal gjøre.»
- Lone Bodot, Bergens Tidende
«Skrekkelig og gøy! ... Det er bare å hente pleddet og bunkre seg ned med en av høstens skarpeste familiefeider! ... Ravatn [klarer] å holde på spenningen helt til bokens siste side. Jeg raste gjennom boka, med lik mengde gisping og latter»
- Oda Faremo Lindholm, VG
Maria Parr (f. 1981) debuterte med Vaffelhjarte i 2005 og slo for alvor gjennom med Tonje Glimmerdal (2009). Bøkene til Parr er omsette til mange språk, og ho har også vunne ei rekkje internasjonale prisar. I 2019 mottok ho også Sult-prisen. I 2023 fekk ho og illustratør Åshild Irgens Brageprisen og vart nominerte til Nordisk råds barnelitteraturpris for Oskar og eg. Alle stadene vi er. Ho har blitt samanlikna med både Johanna Spyris (Heidi) og Astrid Lindgren, og er ein av Noregs mest omsette forfattarar til andre språk. Oskar og eg. Alle tinga vi har fekk svært god mottakinga då ho kom ut i august.
Åshild Irgens (f. 1976) er illustratør. Ho har illustrert ei rekkje barnebøker og lettlesbøker, blant anna Maria Parrs Tonje Glimmerdal og Oskar og eg. Hausten 2018 fekk ho den italienske litteraturprisen Premio Samarelli for illustrasjonane til Tonje Glimmerdal.
«God som gull! ... Perfekt som godnatt-forteljingar ... Maria Parr er ein av dei dyktigaste barnebokforfattarane vi har.»
- Anne Cathrine Straume, NRK
«En norsk Emil i Lønneberget! ... Denne serien setter standarden for sjangeren «høytlesningsbok».»
- Kristine Isaksen, VG
Emner
Kategorier
Det Norske Samlaget er eit kultur- og kunnskapsforlag som gir ut litteratur på nynorsk. Vi gir ut omlag 100 titlar kvart år av norsk og omsett skjønnlitteratur, barne- og ungdomsbøker, dokumentar- og faktalitteratur, ordbøker og læremiddel for høgare utdanning.
