Gå videre til innhold
Ingunn Thon fekk sin litterære debut med barneromanen «Ollis». Foto: Pernille Walvik
Ingunn Thon fekk sin litterære debut med barneromanen «Ollis». Foto: Pernille Walvik

Pressemelding -

«Ollis» av Ingunn Thon nominert til prestisjetung barnebokpris i Storbritannia

Barnebokforfattar Ingunn Thon er nominert til 2021 CILIP Carnegie Medal Prize for Ollis.

– Eg synast det er veldig stas. Spesielt å bli nominert i UK som er kjent for å ha så mykje fin barnelitteratur sjølv, seier Thon om nominasjonen, og legg til: 

– Om eg tenkjer på Ollis som ein ekte person, som eg av og til gjer, blir eg stolt av ho. At reisa ho gir seg ut på betyr så mykje for engelske lesarar at ho blir prisnominert... Åh, det skulle ho ha visst.

Historia om 10-åringen Ollis, markerte Thon sin debut som forfattar. Boka tematiserer mellom anna vennskap, familiekonstellasjonar og mot, og er illustrert av Nora Brech. Evy Tillmann, litterær agent i Oslo Literary Agency, meiner det er sjeldan kost at ei norsk barnebok blir nominert til engelske litteraturprisar.

– At Ingunn Thons debutbok om Ollis er på nominasjonslista til den prestisjetunge CILIP Carnegie Medal, er rett og slett stort. Thon er i godt selskap med internasjonale storleikar som Meg Rosoff, Marcus Sedgwick, Patrick Ness og Michelle Paver, seier Tillmann.

CILIP Carnegie Medal Prize er Storbritannias eldste barnebokpris, og tildelast den beste barne-og ungdomsboka frå det føregåande året. Prisen delast ut av den britiske bibliotekforeninga, Chartered Institute of Library and Information Professionals (CILIP), 16. juni 2021.

– Denne prisen er ganske unik, i den forstand at forlaga ikkje kan melde opp bøker sjølv. I staden er det bibliotekarar som nominerer bøker dei har merka seg gjennom året. At eit lite forlag som Wacky Bee då får ein nominasjon, er ei stor ære, seier Louise Jordan i Wacky Bee Books, forlaget som gir ut den engelske omsettinga av Ollis.

Boka er òg gitt ut i Tyskland, Italia, Spania, Albania, Danmark, Georgia og Tyrkia.

Ingunn Thon (f. 1986) har arbeidd i NRK Super, mellom anna som dokkespelar. Barn kjenner henne også frå Barne-TV. Ho har utdanninga si frå tekst- og skribentlina ved Westerdals og frå journalistutdanninga ved NRK Nynorsk mediesenter.

Related links

Emner

Tags


Det Norske Samlaget er eit kultur- og kunnskapsforlag som gir ut litteratur på nynorsk. Vi gir ut omlag 100 titlar kvart år av norsk og omsett skjønnlitteratur, barne- og ungdomsbøker, dokumentar- og faktalitteratur, ordbøker og læremiddel for høgare utdanning.

Relatert materiale

Velkommen til Samlaget!

Det Norske Samlaget er eit kultur- og kunnskapsforlag som gir ut litteratur på nynorsk. Vi gir ut omlag 100 titlar kvart år av norsk og omsett skjønnlitteratur, barne- og ungdomsbøker, dokumentar- og faktalitteratur, ordbøker og læremiddel for høgare utdanning.

Samlaget
Mariboes gate 13
Postboks 4672 Sofienberg 0506 OSLO