Pressemelding —
Maria Parr er nominert til Bokhandlarprisen 2023
Oskar og eg er einaste barnebok av dei ti nominerte til Bokhandlarprisen. Parr har vore nominert til Bokhandlarprisen to gonagr tidlegare, i 2009 og 2017. Det er tilsette i bokhandel som stemmer fram sin favoritt blant årets bøker, innanfor alle sjangrar.
Parr seier dette om nominasjonen: "Dette er veldig stas! Og hjarte gjer eit ekstra sprett fordi eg blir så glad kvar gong barnebøker på heilt sjølvsagt vis er med i samtalen om litteraturen vår."
Oskar og eg har hausta svært god kritikk frå eit samla pressekorps, og boka har toppa bestseljarlista fleire veker i haust. Boka er illustrert av Åshild Irgens.
Vinnaren blir annonsert under prisutdelinga på Litteraturhuset i Oslo 14.november.
Emner
Kategorier
Det Norske Samlaget er eit kultur- og kunnskapsforlag som gir ut litteratur på nynorsk. Vi gir ut omlag 100 titlar kvart år av norsk og omsett skjønnlitteratur, barne- og ungdomsbøker, dokumentar- og faktalitteratur, ordbøker og læremiddel for høgare utdanning.
