Den kjende musikalen Annie får premiere i Operahuset Nordfjord på Nordfjordeid fredag 23. november med påfølgande framsyningar 24. og 25. november. Det er venta storinnrykk av born, ungdommar, foreldre, beste foreldre og oldeforeldre på dei tre framsyningane, og billettsalet er allereie i gong. Unge, lovande solistar frå heile Nordfjord er plukka ut til rollene som Annie og vennene hennar.
Fredag 23. november vert det premiere i Operahuset Nordfjord på den kjende og kjære musikalen Annie, om den raudhåra barneheimsjenta, som meir enn noko anna ønskjer seg ein far og ei mor og å vere ein del av ein heilt vanleg familie. Vi møter rampungar, svindlarar, den gode og rike Daddy Warbucks, den onde barneheimsstyraren Miss Hannigan, den snille sekretæren Grace - og President Roosevelt!
Opera Nordfjord feirar i år 20 år med opera, musikkteater og konsertar. Jubileumsåret vert avslutta den siste helga i november med den folkekjære familiemusikalen Annie av Charles Strouse. No sender operaen ut innbyding til jenter frå Nordfjord i alderen 8 år og oppover som kan vere interesserte i ei av dei mange rollene.
Operakoret til Opera Nordfjord er snart klart for første korøving til operaen La Bohème søndag 15. april, men kvar er alle mennene? Det er god dekking av både damestemmer og barnekor, men mennene er vanskelege å få tak i. Nokre få tenorar og ein baryton har meldt seg, men det trengs framleis fleire menn på begge herrestemmene.
Dataspel er dei unge sin scenekunst, slik opera er scenekunst for det klassiske publikumet. Det tek Opera Nordfjord på alvor i presentasjonen av spelmusikk-konseptet SCORE frå Sverige, der den akustiske orkester- og kormusikken står i sentrum. Sogndal Kulturhus, Operahuset Nordfjord og Parken Kulturhus i Ålesund vert konsertarenaer for SCORE og Opera Nordfjord 2., 3. og 4. mars.
I 2018 feirar Opera Nordfjord 20 år med fleire større produksjonar. Hovudproduksjonen vert vakre og tidlause La bohème av Giacomo Puccini, som har rørt publikum sidan premieren i 1896. No kan publikum sikre seg billettar til ei av dei åtte framsyningane i Operahuset Nordfjord allereie frå fredag 1. desember.
Kven hadde trudd at ein vill idé om å lage «opera til folket» i Sogn og Fjordane skulle slå rot, vekse og blomstre utan stans i 20 år? No ser operaentusiastane i Nordfjord fram til eit spennande jubiléumsår med eit variert repertoar for ALLE. Distriktsoperaen på Nordfjordeid feirar seg sjølv og ønskjer velkomen til fest.
I 2015 valde Ungararen Kristof Asbot å flytte til Eid. Kristof er ein person med mange evner og interesse for kunst og musikk. Sidan hovedinteressa hans er innan klassisk musikk og opera var Kristof tidleg ute med å kontakte Opera Nordfjord. Det er vi takknemlige for. Les meir her.
Oftast når Opera Nordfjord produserer opera på hausten vert det hyra inn profesjonell lysdesigner utanfrå fylket. Slik er det ikkje i Sildagapet. Ovar Holmen, Operahuset Nordfjord sin lysmann, har denne gangen tatt steget opp og står for alt av lys i denne produksjonen. Les meir her.
Onsdag 4. oktober kl 21.10 gjekk sceneteppet att etter tredje akt i verdspremiera på Sildagapet. Opera Nordfjord ynskjer å takke publikum, solistar, frivillige, elevar og alle andre med ei vel gjennomført premiere. - i kveld oppførte vi oss som ein ekte sildestim, der koordinasjon, prestasjonar og retning gjorde dette til ei vakker oppleving, seier ein lukkelig operasjef Kari Standal Pavelich.
Opera Nordfjord ynskjer velkommen til verdspremiere på familieoperaen Sildagapet - ein opera om havets sølv. Her får du litt meir praktisk informasjon om framsyningane våre i Operahuset Nordfjord.
Tradisjonen tru vert det offisiell opning med ordførar, operasjef, solistar og utstilling i Kulturhuset Gamlebanken tirsdag 3. oktober.
