Boka er alt selt til Tyskland, til det anerkjente forlaget Random House Germany (tidlegare Bertelsman). I Fugletribunalet følgjer vi to menneske som har søkt eksil i eit avsidesliggande hus ved havet. Begge har ein løyndom og eit ønske om å sone. Den eine ber på skam, den andre skuld. Kva må til for å kunne starte på ny?
Rett under fjellet ligg det eit tomt hus, som plutseleg ikkje er tomt lenger. Nokon har flytta inn, men vil ikkje bli sett. Er det dei rømte asylbarna, eller kanskje den farlege fangen som har slått seg til der? Og kva i all verda gjer ein når ein oppdagar noko som er hemmeleg?
Kva er sant, og kva er rykte? Linn og Solveig er bestevenninner, men vennskapen blir sett på ein vanskeleg prøve når Hanna og Sander har to ulike versjonar av kva som eigentleg skjedde på det rommet på den festen. "Det som er sant" engasjerer lesaren frå første side og er ei høgaktuell bok om sex, vennskap, overskriding, grensesetting og hemningslaus ryktespreiing på sosiale medium.
Anne Viken er klar med ny hestebok, "Elise og mysteriet på hesteklinikken". Ho debuterte i 2012 med den første boka i serien om Elise, "Elise og mysteriet med dei døde hestane". Anne Viken er sjølv dyrlege og har stor kunnskap om og kjærleik til dyr. Resultatet er ein nyskapande hestebokserie med stort driv.
Ida Skivenes deler matglede og kreative frukostar med 150 000 følgarar frå heile verda på Instagram under namnet idafrosk. No er ho klar med boka "Leik med maten" som kjem ut på både norsk og engelsk. "Eat your art out" som den engelske utgåva heiter vert distribuert m.a. via Amazon. Samlaget er utgjevar av begge bøkene.
-Nynorsk er ikkje vanskeleg, seier Kristin Fridtun, forfattar bak Nynorsk for dumskallar. I boka viser ho at den nynorske jungelen ikkje er så skummel som mange trur.
Med utgangspunkt i eigne erfaringar har dramatikar og forfattar Gyrid Axe Øvsteng skrive ei sterk forteljing om ei lita jente som nektar å innsjå at mora er på sjukehus. I fantasien lagar ho mange mulege versjonar av kvar mor har tatt vegen. Kanskje er ho på handletur? På røvarjakt? Eller rett og slett på Mars?
"Sex, musikk og vold" er ei sterk skildring av ei ung kvinne som har vikla seg inn i særs destruktive mønster. Ho er rotlaus, spiseforstyrra, einsam – og hatande – ikkje minst mot seg sjølv. Beatrice vel ein strategi ho kan halde ut, der ho kan flykta frå det heile – i ei verd av sex, musikk og vold.
Barnebokforfattar og animatør Martine Grande debuterer med barneboka "Kakerlakken med den stygge frakken … og hovudet fullt av triste tankar" Boka er også filmatisert og har premiere Haugesund filmfestival og på NRK Super denne veka.
Ottar Grepstads biografi om Ivar Aasen klatrar denne veka inn på tredjeplass på bestseljarlista. Boka vart lansert 5. august og markerer 200-årsdagen til Ivar Aasen.
Forlagssjef i Det Norske Samlaget, Håkon Kolmannskog la i dag fram forlagets 146. haustliste. Samlaget har 10 debutantar i år, sju av dei skjønnlitterære. Agnes Ravatn, Jan Roar Leikvoll, Sigrun Slapgard, Ragnar Hovland og Anne Viken er blant namna på forlagets haustliste.
Maria Parr får Sigmund Skard-stipendet 2013 fordi ho set målgruppa si i sentrum og kompromisslaust stiller seg på barnets side.
