Hovudproduksjonen til Opera Nordfjord i haust vert musikalen Mannen frå La Mancha, ein av dei store suksessane på Broadway, skriven i 1965. Publikum skal bli betre kjent med Don Quixote og hans fantasiverd, fortalt på dramatisk vis i eit fengsel under den spanske Inkvisisjonen. Den folkekjære Reisa til Julestjerna har endeleg Nordfjord- premiere 27. november, til glede for heile familien.
Score-konseptet frå Sverige med dataspelmusikk hadde stor suksess på konsertturné i fylket våren 2018. No er dei tilbake med nytt samarbeid med Opera Nordfjord med SAGAS, filmmusikk frå Fantasy-sjangeren. Operahuset Nordfjord, Førdehuset og Sogndal Kulturhus er utvalde konsertarenaer når turnébussane rullar ut på vegane 24.-26. april. Musikk frå kjende Fantasy-filmar står for tur!
Opera Nordfjord slår bokstaveleg tala på stortromma når dei innbyr til Den store julekonserten 6. og 7. desember. JULESTEMNING er stikkordet, og repertoaret byr på både kjende og kjære norske julesongar, engelske carols og den amerikanske juledraumen. Solistane Lise Granden Berg og Alexander Standal Pavelich, dirigent og konferansier Michael Pavelich, kor og orkester er klare til dyst!
Er du skeptisk til opera? Ta sjansen og bli med på vårt unike tilbod! Vi innbyr deg til jomfrutur til Operahuset Nordfjord onsdag 9. oktober for å oppleve din aller første opera, nemleg Hans og Grete.
Opera Nordfjord førebur no to store produksjonar i Operahuset Nordfjord til hausten. Onsdag 2. oktober er det premiere på familieoperaen Hans og Grete av Engelbert Humperdinck, med sju påfølgjande framsyningar, og helga 6. og 7. desember innbyr distriktsoperaen på Nordfjordeid til Den Store Julekonserten, med solistar, operaorkester og stort kor. Det er all grunn til å gle seg!
Hovudproduksjonen til Opera Nordfjord i 2019 er operaen Hans og Grete av Engelbert Humperdinck.. Etter prøvesong tidlegare i vinter er solistlaget no klart, med ei spennande blanding av nyutdanna songarar og etablerte operasolistar med lang fartstid frå Den Norske Opera & Ballett og internasjonale operascener.
Etter eit heilt år med planlegging, innsamling av songskattar, øvingar i lokale grupper og inspirerande fellesøvingar i operahuset, er alle i Fargespel Nordfjord klare for den siste innspurten mot premiere 5. april. Alle dei sju Nordfjord-kommunane er representerte, og det har vore ei stor glede å samarbeide på tvers av alle dei grensene som ofte skil oss. Det viktige er det vi har felles!
Opera Nordfjord har i 20 år gledd sitt publikum med operaer, operetter, musikalar og konsertar. I jubileumsåret 2018 har distriktsoperaen på Nordfjordeid bydd på dataspelmusikk gjennom det spennande orkesterprosjektet SCORE, operaen La Bohème og familiemusikalen Annie, som fekk avrunde året med fulle hus og begeistringsrekord! I dag startar billettsalet for operaen Hans & Grete.
Billettsalet til musikalen Annie går så det susar; tre framsyningar er nesten utselde, og no er billettar til ekstraframsyning søndag kveld den 25. november lagt ut for sal. Dei 18 barneheimsjentene kjem frå heile Nordfjord, og dei sju namngjevne rollene vert spelte av jenter frå Hornindal, Gloppen og Eid. I tillegg kjem vaksenroller, dansarar og koristar - i alt 54 medverkande på scena!
Fargespill vart etablert i Bergen i 2004 og har i åra sidan hatt stor suksess med sine fantastiske sceneshow, der born og ungdommar frå heile verda møtast til kulturutveksling og samarbeid. No er Fargespel Nordfjord etablert under Opera Nordfjord si fane og med tett samarbeid med alle Nordfjord-kommunane. Dei neste åtte månadane vert det intens jakt på og deling av kulturskattar frå andre land.
I år er det 20 år sidan Opera Nordfjord inviterte til premieren på Flaggermusen i Aulaen på Fjordane Folkehøgskule på Nordfjordeid. Operahuset Nordfjord er arena på 10. året, når teppet går for La Bohème onsdag 3. oktober. Nokre veker seinare er det endå meir å gle seg til, når den kjende og kjære musikalen Annie står på plakaten i operahuset 23. - 25. november. Bli med på 20-årsfeiringa!
Opera Nordfjord feirar 20 år med operaframsyningar i år, og endeleg får distriktsoperaen på Nordfjordeid for første gong besøk av ein kulturminister. Vakre La Bohème er jubileumsframsyninga som står på plakaten når kulturminister Trine Skei Grande kjem til Nordfjodeid laurdag 6. oktober.
