- Eg har kjensla av at det ligg noko her som vi ikkje snakkar om, seier dramatikar og regissør Nina Wester. Det er terroren som roka under Oslo Pride 25. juni i 2022 ho siktar til. Det vi ikkje snakkar om, ønskjer ho no å få fram i lyset og opp på scenen. I 2027 blir det teater, men først er ho ute etter å sanke inn historier og stemmer frå ulike lag av befolkinga.
H.K.H. Kronprinsesse Mette-Marit er blant dei trufaste lesarane til Jon Fosse og har takka ja til å vere høg beskyttar av DIFF - Den internasjonale Fossefestivalen, som i år blir arrangert i perioden 5. til 13. september. Samtidig kan vi offentleggjere heile breidda i det kunstnarlege programmet til DIFF.
Dei som er fødde på 80- og 90-talet har mest truleg kjennskap til, eller nærer djup kjærleik til, Playstation-spelet Tekken. Det går ut på å slåst med ulike karakterar - og no er spelet utgangspunkt for ei teaterframsyning der publikum sjølve er med på å bestemme kva som skal skje.
Foajeen ved Scene 2 har blitt til ein iglo - og her bur dei to gode vennene Unni og Gunni. Julie Moe Sandø og Ina Svenningdal gir liv og kjensler til dei to pingvinane, som inviterer publikum med ei leiken og koseleg stund med alle regnbogens fargar.
DIFF - Den internasjonale Fossefestivalen - blir i år arrangert for fjerde gongen med eit knallsterkt program. Både kjennarar og dei som møter verka hans for første gang, får eit sjeldan høve til å oppleve Jon Fosses univers på nært hald gjennom ei dryg veke.
Kritikarane henta fram dei store superlativa da Vigdis Hjorths omdiskuterte og sjølvbiografiske roman hadde premiere på Den Nationale Scene i Bergen i 2018. 3. mai får framsyninga nypremiere på Det Norske Teatret - framleis med Kjersti Elvik i hovudrolla - flankert av eit heilt nytt og knallsterkt ensemble.
I dag lanserer teatersjef Kjersti Horn repertoaret for hausten 2025. Store romanforteljingar utgjer pilarane i repertoaret, som femnar frå barneteater til historier frå norsk afro-diaspora.
Da er dommen falle, og juryen har talt: Blindernrevyen OSLO er årets beste skolerevy! Revyen blir vist på Det Norske Teatret 24. april.
Arne Lygre er aktuell med eit nytt skodespel på Hovudscenen. Nok ein gong er det Johannes Holmen Dahl og Nia Damerell som står for regi og scenografi, slik dei gjorde med den overraskande braksuksessen Tid for glede. I Ikkje ein lyd handlar det om å høyre til, og å lande i sitt eige liv.
Taume P. Dery kjente eit press for å bli noko stort. Noko han ikkje var. Noko han ville bli hugsa for. Dette er utgangspunktet for den ganske speisa framsyninga Psychic. Det er også er den første urpremieren Tani Dibasey og Only Slime produserer på Det Norske Teatret.
PSYCHIC
av Tani Dibasey og Only Slime
URPREMIERE TORSDAG 27. MARS KL. 19.00
PÅ SCENE 3
Taume P. Dery er ein gans
Året er 2029. Verda er på kanten av kollaps. Så tek den kunstige intelligensen Omnitron over, og har ei løysing for å redde kloden. KI-en vil utrydde arten som er årsak til undergangen. Ber vi menneske kollektivt eit ansvar for å ha skapt kaoset? Kan vi i så fall be om nåde og erklære oss uskyldige?
To gjestespel gir eit nært innblikk i to tankane til og forholdet mellom store personlegdomar innan norsk kunst og litteratur, nemleg Kitty Kielland og Arne Garborg.
