Opera Nordfjord innbyr til noregspremiere på musikalen Jorden rundt på 80 dager i Operahuset Nordfjord onsdag 29. september og til saman 8 framsyningar fram til og med 10. oktober. I tillegg til eit førsteklasses solistlag har distriktsoperaen engasjert eit ensemble med nyutdanna musikalartistar, som nettopp har "vakse opp" i distriktsoperaen på Nordfjordeid frå dei song i barnekoret i Carmen.
Solistlaget er klart og billettsalet er opna for «Jorden rundt på 80 dager» av Øystein Wiik og Gisle Kverndokk. Ein kan kanskje like godt kalle forestillinga «Kor mange operaer passar inn i éin musikal?». Det kan bli ein fin gjetteleik for publikum når musikken frå denne leikne musikalen fyller operahuset til hausten; kva for ein opera skal vi innom no, på veg jorda rundt?
Heile Julestjerne-produksjonen har endeleg flytta inn i Operahuset Nordfjord og skal dei neste dagane på magisk vis skape eventyrstemning på scena. Julestjerne og stjernehimmel er snart på plass, og kongen sitt slott tek sakte form.Tronstolane til Kongen og Gulltopp blenkjer i gull og sølv, og klessstativa bugnar av fargerike kostyme. Sonja kan snart starte på den magiske Reisa til Julestjerna!
Søndag 25. oktober innbyr Opera Nordfjord til trio-konsert i Kulturhuset Gamlebanken på Nordfjordeid. Trio no Treble er ein utradisjonell stryketrio som spelar både klassisk, jazz og pop med humoristisk snert - her vert det trimming av både smileband og lattermusklar!
Neste års hovudproduksjon, Jorden rundt på 80 dager, vert ein fest av ei forestilling, med alle ingrediensane som garanterer ei underhaldande og vakker operaoppleving: ei omfattande rolleliste, kor og dansarar og smektande musikk. Publikum får ta del i ei geografisk og musikalsk reise i operahistoria godt krydra med komplikasjonar og mykje humor undervegs.
Hovudproduksjonen til Opera Nordfjord i haust vert musikalen Mannen frå La Mancha, ein av dei store suksessane på Broadway, skriven i 1965. Publikum skal bli betre kjent med Don Quixote og hans fantasiverd, fortalt på dramatisk vis i eit fengsel under den spanske Inkvisisjonen. Den folkekjære Reisa til Julestjerna har endeleg Nordfjord- premiere 27. november, til glede for heile familien.
Score-konseptet frå Sverige med dataspelmusikk hadde stor suksess på konsertturné i fylket våren 2018. No er dei tilbake med nytt samarbeid med Opera Nordfjord med SAGAS, filmmusikk frå Fantasy-sjangeren. Operahuset Nordfjord, Førdehuset og Sogndal Kulturhus er utvalde konsertarenaer når turnébussane rullar ut på vegane 24.-26. april. Musikk frå kjende Fantasy-filmar står for tur!
Opera Nordfjord slår bokstaveleg tala på stortromma når dei innbyr til Den store julekonserten 6. og 7. desember. JULESTEMNING er stikkordet, og repertoaret byr på både kjende og kjære norske julesongar, engelske carols og den amerikanske juledraumen. Solistane Lise Granden Berg og Alexander Standal Pavelich, dirigent og konferansier Michael Pavelich, kor og orkester er klare til dyst!
Er du skeptisk til opera? Ta sjansen og bli med på vårt unike tilbod! Vi innbyr deg til jomfrutur til Operahuset Nordfjord onsdag 9. oktober for å oppleve din aller første opera, nemleg Hans og Grete.
Opera Nordfjord førebur no to store produksjonar i Operahuset Nordfjord til hausten. Onsdag 2. oktober er det premiere på familieoperaen Hans og Grete av Engelbert Humperdinck, med sju påfølgjande framsyningar, og helga 6. og 7. desember innbyr distriktsoperaen på Nordfjordeid til Den Store Julekonserten, med solistar, operaorkester og stort kor. Det er all grunn til å gle seg!
Hovudproduksjonen til Opera Nordfjord i 2019 er operaen Hans og Grete av Engelbert Humperdinck.. Etter prøvesong tidlegare i vinter er solistlaget no klart, med ei spennande blanding av nyutdanna songarar og etablerte operasolistar med lang fartstid frå Den Norske Opera & Ballett og internasjonale operascener.
Etter eit heilt år med planlegging, innsamling av songskattar, øvingar i lokale grupper og inspirerande fellesøvingar i operahuset, er alle i Fargespel Nordfjord klare for den siste innspurten mot premiere 5. april. Alle dei sju Nordfjord-kommunane er representerte, og det har vore ei stor glede å samarbeide på tvers av alle dei grensene som ofte skil oss. Det viktige er det vi har felles!
