Opera Nordfjord tek med seg kulissar, kostyme, rekvisittar, frivillige og profesjonelle aktørar til sjølvaste Nasjonaloperaen og Scene 2 for å vise fram den fantastiske Don Quixote i Mannen frå La Mancha.
Opera Nordfjord kan skilte med store stemmer i internasjonal klasse, når sopranen Margrethe Strømmen Fredheim og tenoren Bror Magnus Tødenes gjestar distriktsoperaen på Nordfjordeid i april.
Etter 23 år står La Traviata igjen på plakaten når Opera Nordfjord opnar dørene for sesongstart 28. september 2021 i Operahuset Nordfjord, med 8 framsyningar i perioden 28.09.-08.10..
Opera Nordfjord inviterer til stemningsfull julekonsert med høg gåsehudfaktor når fullt operaorkester, kor og solistane Beate Mordal og Alexander Standal Pavelich framfører dei vakraste julesongane, leia av dirigent Michael Pavelich. Det skjer i Operahuset Nordfjord 3. og 4. desember - velkomen til heile familien!
Det vert garantert magisk stemning når 65 korsongarar, 53 musikarar, sopransolist Sabina Zweiacker, konferansier Orvar Säfström og dirigent Michael Pavelich sameinar musikalsk krefter og talent når SAGAS drar ut på turné 11.-14. november med fantasy filmmusikk som hovudtema. Konsertstader er Sandane, Sogndal, Nordfjordeid og Førde.
Endeleg er Opera Nordfjord tilbake med nytt samarbeid med Score Productions, med fantasy filmmusikk på repertoaret! Etter stor suksess våren 2018 med dataspelmusikk, innbyr distriktsoperaen i samarbeid med Firda vidaregåande skule til eit nytt, magisk, musikalsk eventyr når SAGAS skal på turné til Trivselshagen, Sogndal Kulturhus, Operahuset Nordfjord og Førdehuset dagane 11.-14. november.
Opera Nordfjord innbyr til noregspremiere på musikalen Jorden rundt på 80 dager i Operahuset Nordfjord onsdag 29. september og til saman 8 framsyningar fram til og med 10. oktober. I tillegg til eit førsteklasses solistlag har distriktsoperaen engasjert eit ensemble med nyutdanna musikalartistar, som nettopp har "vakse opp" i distriktsoperaen på Nordfjordeid frå dei song i barnekoret i Carmen.
Solistlaget er klart og billettsalet er opna for «Jorden rundt på 80 dager» av Øystein Wiik og Gisle Kverndokk. Ein kan kanskje like godt kalle forestillinga «Kor mange operaer passar inn i éin musikal?». Det kan bli ein fin gjetteleik for publikum når musikken frå denne leikne musikalen fyller operahuset til hausten; kva for ein opera skal vi innom no, på veg jorda rundt?
Heile Julestjerne-produksjonen har endeleg flytta inn i Operahuset Nordfjord og skal dei neste dagane på magisk vis skape eventyrstemning på scena. Julestjerne og stjernehimmel er snart på plass, og kongen sitt slott tek sakte form.Tronstolane til Kongen og Gulltopp blenkjer i gull og sølv, og klessstativa bugnar av fargerike kostyme. Sonja kan snart starte på den magiske Reisa til Julestjerna!
Søndag 25. oktober innbyr Opera Nordfjord til trio-konsert i Kulturhuset Gamlebanken på Nordfjordeid. Trio no Treble er ein utradisjonell stryketrio som spelar både klassisk, jazz og pop med humoristisk snert - her vert det trimming av både smileband og lattermusklar!
Neste års hovudproduksjon, Jorden rundt på 80 dager, vert ein fest av ei forestilling, med alle ingrediensane som garanterer ei underhaldande og vakker operaoppleving: ei omfattande rolleliste, kor og dansarar og smektande musikk. Publikum får ta del i ei geografisk og musikalsk reise i operahistoria godt krydra med komplikasjonar og mykje humor undervegs.
Hovudproduksjonen til Opera Nordfjord i haust vert musikalen Mannen frå La Mancha, ein av dei store suksessane på Broadway, skriven i 1965. Publikum skal bli betre kjent med Don Quixote og hans fantasiverd, fortalt på dramatisk vis i eit fengsel under den spanske Inkvisisjonen. Den folkekjære Reisa til Julestjerna har endeleg Nordfjord- premiere 27. november, til glede for heile familien.
