Konsekvensane av å ikkje kunne elske den ein vil, kan vere drepande. Det er temaet i gjestespelet David og Jonatan frå Det Norske Fossekompaniet. No kjem framsyninga til Det Norske Teatret.
I går beslutta teatersjef Erik Ulfsby å gi fast tilsetjing ved teatret til skodespelarane Emil Johnsen og Vetle Bergan. - Dette gjer eg sjølvsagt i samråd med den kommande teatersjefen Kjersti Horn, men det er veldig fint å kunne knyte til oss to skodespelarar som på ulikt vis har vore med å styrke teateret dei siste åra, seier noverande teatersjef Erik Ulfsby.
Kva kan hende når improvisatørane frå Det Andre Teatret "stel" scenen på Det Norske Teatret? Alt, kanskje?UT OG STJÆLE SCENERDET ANDRE TEATRET PÅ DET NORSKE TEATRETLAURDAG 7. DESEMBER KL. 19.00SCENE 2Vanlegvis er det ikkje lov til å tulle i scenografien til ei framsyning. Bortsett frå ein gong i året, og det er for lukka dører under teaterets interne teknikarrevy. Men Det Norske Teatret gjer eit u
I høve 10-årsjubileet for Herborg Kråkeviks tradisjonsrike Juleroser, kjem magasinet for første gong til live på Hovudscenen tre søndagar i advent. På scenen står mellom andre Sondre Lerche, Oslo Filharmoniske kor, Linda Eide, Jo Nesbø, Vigdis Hjorth, Janove Ottesen, Vetle Lid Larsen og Carsten Jensen i lag med Kråkevik sjølv og skodespelarar frå Det Norske Teatret.
Kor nær kan læraren vere eleven sin? Og kva skjer når eit parforhold er basert på løgn? På Scene 3 er det duka for eit intenst kammerspel der kampen om sanninga står på spel.
Som sitt siste regiarbeid som teatersjef ønskjer Erik Ulfsby nok ein gong å mane til refleksjon. I ei tid da demokratia forvitrar, krigar blussar opp og kunsten slit med å vere aktuell for publikum, går han rett inn i samtalen. Gjennom historia om to flyktningar på veg til Fridomens land, diskuterer han mellom anna sjølve fridomsomgrepet og kva verdien av kunst er.
Kjersti Horns første teatersesong er både ambisiøs og mangfaldig, og byr på masse ny norsk dramatikk, fleire sterke kvinnehistorier, grensesprengande teater, KI-generert teater, politisk historie fortalt med glitter og glam og ferske forteljingar frå gata.
For 60 år sidan blei jazzplata Jazz på svenska gitt ut. Lite visste bakmennene Jan Johansson og Georg Riedel om det skulle bli Sveriges mest selte jazzalbum gjennom tidene. Musikken har utan tvil også gjort inntrykk på eit utal norske lyttarar og musikarar. Går det an å gjere noko liknande med dei norske folketonane?
- Eg hadde jo aldri trudd ei sakprosabok om ved skulle bli teater, sa Lars Mytting da boka hans, Hel ved, skulle bli teater. Han hadde nok heller ikkje trudd at han sjølv skulle bli ein del av framsyninga, men no skjer det også.
Både Aftenposten og Dagbladet trilla seksar på terningen da Snøsøstera hadde urpremiere for to år sidan. No kjem teaterversjonen av julekalenderromanen til Maja Lunde og Lisa Aisato tilbake, til glede for nye og gamle publikummarar.
Idet ein konvolutt frå Karolinska Sjukhuset dumpar ned i postkassa til Vilde Berg, tek livet ei heilt ny vending. Ho har fått kreft. Likevel er dette ei historie om livstrong, ikkje om døden, meiner skodespelar Heidi Gjermundsen Broch. Både ho og regissør Charlotte Frogner har lenge ønska å overføre den kritikarroste romanen Jeg foreslår at vi våkner av Beate Grimsrud til teaterscenen.
Linn Ullmanns personlege Jente, 1983 blei ein braksuksess da han kom ut i 2021. Romanen blei heidra med panegyriske kritikkar, eit dryss av prisar og rangert mellom årets beste bøker i alle dei største media. No er Gjertrud Jynge er klar til å formidle eg-personens tankar frå scenen, og kjenner seg godt igjen i stoffet.
Med enkle, verknadsfulle effektar, rekvisittar og humor som passar både liten og stor, formidlar Campingkompaniet folkeeventyr i ny, fargerik drakt. Denne gongen skal Oskeladden (kalla Esther Oskeladd) og brørne ut i verda for å vinne prinsessa som ingen kan målbinde. Urpemiere på Det Norske Teatret 31. august 2024.
- Vi skal lage Hedda Gabler litt som ein episode i Falcon Crest, seier regissør og påtroppande teatersjef, Kjersti Horn. Ho har fått med seg eit stjernelag av skodespelarar, og i spissen står Jae Nyamburah som ei både utagerande og sårbar Hedda Gabler.
HEDDA GABLERav Henrik Ibsen, til nynorsk ved Aina BassoPREMIERE 7. SEPTEMBER KL. 18.00HOVUDSCENEN- Ho får ikkje, eller får ikkje til, å leve det
Etter fjorten år som kunstnarleg leiar, legg Erik Ulfsby fram sitt siste repertoar. Det har vore år med vekst, framgang og mange store opplevingar som vil gå inn i teaterhistoriebøkene. Denne siste hausten vil han mellom anna by på eventyr for barn, to suksess-romanar som skal få nytt blikk på seg i scenelyset, jazzteater og eit eksistensielt drama om krig og kunst som han sjølv vil sette i scene.
Det Norske Teatret har i dag tilsett Irene Halvorsen som ny direktør.
Kunstnarduoen Goksøyr & Martens er klar med fjerde og siste del av den monumentale pentalogien livet, og denne gongen handlar det om overgangsalder og overgangar i familie- og yrkeslivet.
NetNordic, ein leiande leverandør av IT-løysingar og -tenester, kunngjer i dag ein spennande samarbeidsavtale med Det Norske Teatret, ein av dei fremste kulturinstitusjonane i Noreg. Avtalen, som strekker seg over dei neste tre åra, markerer starten på ein unik partnarskap med mål om å utforske og utvikle innovative moglegheiter innanfor kunst og teknologi.
Det Norske Teatret gjennomførte årsmøte laurdag 27. april.
Noreg fekk sin første Nobelprisvinnar på 95 år i Jon Fosse. No er Det Norske Teatret aktuell med urpremiere på hans neste stykke Einkvan. For den komande teatersjefen Kjersti Horn er det første gongen ho arbeider med ein Fosse-tekst.
EINKVANav Jon FosseURPREMIERE TORSDAG 25. APRIL KL. 19.30SCENE 2PREMIERESAMTALE FØR FRAMSYNINGA KL. 18.30Regissør Kjersti Horn i samtale med Jon Fosses redaktør Ce
